На пияток и соботу Културна манифестация „Миклошевци 2023”

автор Я. Дюранїн
345 Опатрене

МИКЛОШЕВЦИ (ГОРВАТСКА) – Дводньова Културна манифестация „Миклошевци 2023”, XXXVIII по шоре, будзе отримана 1. и 2. септембра у Миклошевцох, у Републики Горватскей.

Програма почнє зоз виставу подобових малюнкох Сонї Папуґовей на 19:30 годзин, а цаловечарша музично-литературна програма почнє на 20 годзин у будинку култури.

Ютредзень, после покладаня венцох на 16:45 г., на отвореней бини будзе отримана културно-уметнїцка програма „Поздрав ровнїни” на 17 годзин.

Тогорочну манифестацию орґанизує домашнї КУД „Яким Ґовля”, под покровительством Совиту за национални меншини Републики Горватскей, а сопокровителє Општина Томповци и Союз Русинох Републики Горватскей.

ПОВЯЗАНИ ТЕКСТИ