ШИД – У Червеним крижу на пондзелок, 27. марца, од 9 по 12 годзин будзе отримана порядна акция за добродзечного даваня креви у сотруднїцтве зоз Заводом за трансфузию креви Войводини з Нового Саду.
Пре зменшани количества креви зоз Червеного крижу поволали и одборнїкох Скупштини Општини Шид же би ше уключели до акциї, а предсидатель СО Тихомир Стаменкович тоту вимогу сообщел одборнїком и поволал их на акцию на прешлотижньовим зашеданю општинского парламента.