КУЛА – На пондзелок, 24. новембра, на 12 годзин, у просторийох Општинскей управи Кула, буду отримани Инфо днї з нагоди розписованя Явней поволанки за софинансованє мирох енерґетскей санациї фамелийних хижох и квартельох на териториї општини Кула за 2025. рок.
Инфо днї орґанизовани зоз цильом же би ше гражданом представело бенефити укладаня до мирох енерґетскей ефикасносци, же би ше гражданох информовало о условийох за участвованє у явней поволанки, як и же би ше визначело предосци хтори проєкт „Чиста енерґия и енерґетска ефикасносц за гражданох – SURCEˮ приноши локалней заєднїци.
Гражданє информациї достаню директно од окончовательох роботох хтори буду присутни, а подробнєйше о тим мож пречитац на сайту Општини Кули.