СУБОТИЦА – На штварток 30. новембра на 18 годзин у Городскей библиотеки у Суботици, Новинско-видавательна установа „Руске слово” и Завод за културу войводянских Руснацох на поволанку Дружтва Руснацох у Суботици, отримаю промоцию нових кнїжкох и Усни новини НВУ „Руске слово”.
У першей часци будзе промоция нових кнїжкох НВУ „Руске слово”, з акцентом на „Историю Руснацох” проф. др Янка Рамача. О виданьох буду бешедовац рецензентка кнїжкох у видавательней редакциї Ирина Гарди Ковачевич, одвичательни редактор видвательней Микола Шанта, совидаватель и директор Заводу за културу войводянских Руснацох мср Сашо Сабадош, рецензент Историї, шеф Оддзелєня за историю Филозофского факултету Нови Сад проф. др Дюра Гарди.
У другей часци буду Усни новини НВУ „Руске слово”, а бешедовац буду о установи директор др Борис Варґа, главна и одвичательна редакторка о новинох „Руске слово” Олена Планчак-Сакач, о аґенциї „Рутенпрес” одвичательна редакторка Вероника Вуячич и о часопису „Шветлосц” одвичательни редактор Микола М. Цап.
У програми наступи Шпивацка ґрупа Дружтва Руснацох у Суботици.