На Томову нєдзелю у молитви за своїх покойних

автор Ол. Живкович
411 Опатрене

КУЛА – Уж традицийно, вирни у парохиї св. Йосафата у Кули на Томову нєдзелю виходза на теметов, так и тей нєдзелї, 23. априла, тота традиция випочитована.

На новим теметове „Комуналац” єромонах Платон Салак, ЧСВВ, на 14 годзин служел панахиди при гробох, а на 15 годзин на старим теметове парох єромонах Дамян Кича, ЧСВВ, служел Парастос зоз читаньом менох упокоєних. Потим ше, на жаданє фамелийох тиж служели Панахиди як и на новим теметове.

Шпив предводзела шестра Служебнїца НДМ Цецилия Суботнїцки, котрей помагали парохиянки котри поряднє приходза на Богослуженя.

Внєдзелю була окреме красна хвиля, та ше позберало и досц парохиянох котри каждого року дзбаю за упокоєних з їх фамелийох.

ПОВЯЗАНИ ТЕКСТИ