На жимским турниру завжате треце и штварте место

автор Д. Барна
67 Опатрене

ОДЖАК – Младши катеґориї ФК „Русин” пияток 17. януара у рамикох 2. Медзинародного турниру – Полет Куп Каравуково хтори бул отримани у Оджаку, освоєли треце и штварте место. На тим турниру млади русиновци участвовали зоз двома екипами, дзеци зоз 2. и 3. класи.

Екипа Русина 2. класа у стретнуцу за треце место страцела од парнякох зоз Сивцу и так завжала 4. место.

ФК Русин – ФК Полет (Сивац) – 1:2. Ґол за екипу Русина дал Лени Грнчар.

За екипу 2. класи наступели: Лени Грнчар, Стефан Зорич, Иван Чапко, Марко Планкош, Деян Шимко, Дарко Чижмар, Марко Танович и Видак Ковачевич.

У другим стретнуцу, тиж за треце место екипа Русина 3. класа була лєпша як екипа зоз Сербского Милетичу и славела на тим стретнуцу после виводзеня пеналох, та завжала 3. место.

ФК Русин – ФК Задруґар (Сербски Милетич) – 3:3. После виводзеня пеналох 2:1 за екипу Русина. Ґоли за екипу Русина дали: Дориян Попович хтори дал два ґоли и Страхиня Кршич дал єден ґол. После виводзеня пеналох, ґоли за Русин дали Дориян Попович, а побиднїцки ґол дал Марко Еделински.

За екипю 3. класи наступели: Страхиня Кршич, Стефан Такач, Марко Еделински, Андрей Чижмар, Андрей Надь, Серґей Сабадош, Тони Сивч, Дориян Попович и Лука Тасич.

Тренер – Зденко Шомодї.

Млада екипа Русина одбавела ище два пририхтуюци стретнуца, внєдзелю 19. януара у спортскей гали у Руским Керестуре одмерали моци зоз екипу ОФК „Оджак” зоз Оджаку и зазначели два побиди зоз резултатами 5:3 и 5:0.

ФК Русин – ОФК Оджак – 5:3. Ґоли за екипу Русина дали: Страхиня Кршич и Тони Сивч по два ґоли и Лука Зелич дал єден ґол.

За екипу Русина 4. класа наступели: Андрей Надь, Тони Сивч, Марян Стоянович, Лука Зелич, Даниєл Кишюгас, Алек Малацко и Страхиня Кршич.

ФК Русин – ОФК Оджак – 5:0. Ґоли за екипу Русина дали: Тони Надь дал два ґоли и Даниєл Фейди, Кристиян Чонка и Кристофер Дудаш дали по єден ґол.

За екипу Русина 5. класа наступели: Давид Колошняї, Даниєл Фейди, Иван Надь, Виктор Надь, Давид Гарди, Тони Надь, Кристиян Чонка, Стивен Банич и Кристофер Дудаш.

Тренере – Зденко Шомодї и Деян Йолич.

ПОВЯЗАНИ ТЕКСТИ