ЗОМБОР – На подобовим конкурсу за першокласнїкох на тему „Квиток за мою маму”, школярка Iа класи Основней школи „Петро Кузмяк” з Руского Керестура Гелена Барна, за свой рисунок достала першу награду.
Награда єй уручена 6. марца у Зомборе на шветочносци котру пририхтал орґанизатор Конкурсу Асоцияция женох Републики Сербиї, окружни, општински и городски одбор Зомбор.
Конкурс бул на добродзечней основи, а мали право участвовац першокласнїки зоз цалого Заходнобачкого округу. По пропозицийох зоз каждого оддзелєня могло послац по три роботи, та и з керестурскей Школи „Петро Кузмяк” участвовали по тройо школяре зоз обидвох одззелєньох.
Наградзени и похвалєни роботи буду виложени у Доме школярох Зомбор по 20. марец.
