ЗОМБОР – На традицийней манифестациї „Улїчне обегованє Городу Зомбору”, отриманей з нагоди 21. октобра, Дня ошлєбодзеня Зомбору, участвовали и члени Атлетского клубу „Русин”, та з тей нагоди, у катеґориї дзецох шестих класох основней школи, 2. место завжал Дюла Фаркаш, док у катеґориї дзецох трецих класох, 3. место освоєла Анастасия Пекич.
Попри Анастасиї и Дюли, на манифестациї спред клубу Русин наступели и – Маша Дудаш школярка 1. класи, Маша Ковачевич 3. класа, Зара Малацко 4. класа, Адрияна Штранґар 5. класа, Валентнина Надь 6. класа, и Тадей Виславски школяр 7. класи.
Атлетичарох на манифестацию водзела їх тренер Саня Еделински.
Манифестацию вєдно орґанизовали Спортски союз Городу Зомбору и Атетски клуб „Маратон”, а под покровительством Городу Зомбору.
