НОВИ САД – Школярки София Сопка и Клара Блаґоєвич та Кристина Рамач зоз Основней школи „Петро Кузмяк” з Руского Керестура вчера прияли награди освоєни на Конкурсох на тему Крачуна котри реализує Форум за едукацию, сотруднїцтво, афирмацию и потримовку гражданскому дружтву (Фесар) у сотруднїцтве з Покраїнским секретариятом за образованє, предписаня, управу и национални меншини – национални заєднїци.
София Сопка освоєла перше место, а Клара Блаґоєвич треце, на Конкусу за вибор стрипу на тему „Мултинационална крачунска приповедка о моїм месце”, док Кристина Рамач на Конкурсу за вибор подобовей роботи на тему „Два Крачуни – єдна фамелия”. Награди за перше место мобилни телефон, а за треце ґеймерски комплет и звучнїк.
Овидва Конкурси у априлу 2024. року були обявени у рамкох подпроєкту „Мултикултурализем на клик” односно проєкту „Афирмация мултикултурализма и толеранциї у Войводини”, розписує Конкурс за подношенє авторских материялох на тему промовованя мултикултурализма и унапредзеня медзинационалней толеранциї и очуваня културного идентитету етнїчних заєднїцох у АП Войводини.
