РУСКИ КЕРЕСТУР – Когуцики и пионире Фодбалского клубу „Русинˮ того викенду, угосцели екипу зоз Школи фодбалу „Душан Силниˮ зоз Вербасу, дакедишнї ОФК Вербас, процив хторих одбавели штири стретнуца. У Спортскей гали, процив своїх парнякох, русиновци два раз одбавели з нєришеним резултатом 1:1 и 4:4, а два раз були поражени з резултатом 1:4.
Як уж по традициї, перши на терен вишли наймладши, дзеци 1. и 2. класи основней школи, хтори страцели од Вербащаньох зоз 4:1. Наймладши наступели у составе – Давид Еделински, Лука Зелич, Страхиня Кршич, Стефан Такач, Дориян Попович, Лука Тасич и Марко Еделински.
Потим на терен вишли дзеци 3. класи, хтори уж скоро пол рока шорую сами побиди, а з тей нагоди, процив Вербащаньох одбавели нєришено зоз 4:4.
Екипа наступела у составе – Давид Колошняї, Даниєл Фейди, Тони Надь, Иван Надь, Давид Гарди, Кристофер Дудаш, а мали и помоцнєнє Клари Блаґоєвич зоз 4. и Исака Новти, Тадея Виславския и Ерика Русковския зоз 6. класи.
У трецим стретнуцу наступели дзеци 4. класи, хторим то потераз було єдно од їх найдинамичнєйших стретнуцох, а процив госцох одбавели зоз 1:1.
Екипа бавела у составе – Тони Колошняї, Алексей Виславски, Андрей Виславски, Алекс Цвайґ, Дарко Еделински, а зоз нїма бавел и Патрик Варґа.
Екипа хтора остатня вишла на терен, були дзеци 5. и 6. класи, дзеци добре бавели, алє прецерпели пораженє зоз 4:1 за госцох.
Екипа найстарших наступела у составе – Марко Драґутинович, Єлисей Пап, Тони Орос, Лука Стойков, Никола Планчак, Марко Илич, Тадей Виславски и Алекс Цвайґ.
Наймладшей екипи, на тим стретнуцу, судзел Мирослав Кршич, а окремну похвалу заслужує Виктор Надь хтори бави у кадетскей селекциї Фодбалского клубу „Спартакˮ у Суботици, а хтори судзел аж три стретнуца.
