СЕЛЕНЧА – Внєдзелю 19. фебруара, фодбалере Русина госцовали у Селенчи на предостатнїм пририхтуюцим стретнуцу пред початок сезони, дзе над домашнїма однєсли побиду з резултатом 4:3 (1:1) .
Од початку, фобалере Селенчи превжали контролу над бависком и нє допущовали русиновцом орґанизовац нїяку акцию. Но, нєодлуга, Саянкович виєдначує на 1:1, алє по конєц першого полчасу домашнї и надалєй водзели бависко.
На початку другого полчасу, фобалере Русина за крадки час достали ище 2 ґоли. Тренер Саянкович уруцує Бранковича и Павловича хтори на штредку терена змирюю бависко и преобрацую цек змаганя. Млади Саянкович дава други ґол, нєодлуга го провадзи и Малацко хтори виєдначує резултат на 3:3, а стретнуца финишира Филип Вуйович хтори дава штварти ґол за Русин.
Змаганє було оштре зоз вельо фаулами, а могло видзиц и битку медзи домашнїма бавячами.
Русиновцох на нєдзелю, 26. фебруара чека „ґенералкаˮ процив Обилича зоз Змаєва.