Нови Еґзит – обявени список гедлайнерох

автор И. Чордаш
692 Опатрене

НОВИ САД – Любительох ЕҐЗИТ фестивалу дзелї менєй як 130 днї од його початку. Карти ше почало предавац у новембру прешлого року, а нєодлуга почню и цикави промотивни цени картох, и поєдинєчних, и ґрупних.

У прешлей наяви за ЕҐЗИТ фестивал, концом прешлого року, здогадли зме як и дзе мож купиц карти и дакус зме ше упознали зоз тогорочним мотом фестивала, а тераз приношиме нови информациї и конєчни список главних гвиздох тогорочного фестивалу хтори буду на главним стейджу.

Перши дзень Продиджи будзе мац чесц шветочно отвориц фестивал на главним стейджу, други дзень фестивала будзе наступац єден зоз найпопуларнєйших при фестивалскей публики – Скрилекс, трецого дня на главни стейдж видзе Алесо, док чесц заврец фестивал буду мац Димитри Веґас и Лайк Майк и Ву-Танґ-Клан.

Репертоар за други стейджи и ище вельо познати мена можеце найсц на официйним сайту ЕҐЗИТ фестивалу https://www.exitfest.org/program.

Свойо уходнїци можеце найсц на шицких Ґиґ-стикс предайних местох ширцом Сербиї.

ПОВЯЗАНИ ТЕКСТИ