ВАТИКАН – Кардинал Роберт Франсис Превост вибрани, у штвартим кругу гласаня за нового папу, штварток 8. мая и вжал мено Лєв XIV.
На 18 годзин и 7 минути вишол били дим зоз комина Сикстинскей каплїци, дзе стреду 7. мая почала конклава на хторей участвовали 133 кардинали виберателє и вибрали 267. папу у историї Церкви, сообщели новински аґенциї.
Кардинал протодиякон Доминик Мамберти обявел же бискуп кардинал Роберт Францис Превост на конклави вибрани за 267. папу.
Векшина од два трецини гласох, кельо требало же би ше вибрало нового Петрового нашлїднїка, посцигнута после штвартого круга гласаня.
Кардинал Роберт Францис Превост, народзени 14. септембра 1955. року у Чикаґу у Зєдинєних Америцких Державох, перши є папа зоз ЗАД, а ма и перуанске державянство. Препознава ше го як мост медзи Сиверну и Латинску Америку, и як лидера хтори пошвецени екуменскому диялоґу и пасторалней обнови.