НОВИ САД – Зоз каждим числом часопису за дзеци „Заградка” на нашим Ют’юб каналу Ruske slovo za dzeci обявюєме и даєдни змисти зоз нєй, та так нєдавно обявени и писньочки „Дїдо Шнїжнїк” Меланиї Римар и „Животинї дочекали Нови рок”, чий автор Микола Скубан.
Писньочки пречитали школяре штвартей класи руского оддзелєня Владимир Молнар и Мария Рамач з Дюрдьова, а авторка илустрацийох Александра Медєши.
На нашим Ют’юб каналу концом прешлого року обявена и музична анимация сликовнїци „Кухня”, а там мож найсц и анимациї сликовнїцох „Як ше тройо прашатка рихтали за жиму”, „Фарби”, „Родзини”, „Карусел”, як и други змисти за дзеци по руски.
Же бисце провадзели новосци на нашим каналу, потребне кликнуц на Subscribe.