НОВИ САД – У конкатедралней церкви святих апостолох Петра и Павла у Новим Садзе внєдзелю, 8. юния, на швето Сошедствиє Святого Духа – Русадля ґу першей Святей тайни причасци приступели штверо школяре.
З тей нагоди першопричашнїки Антония Иван, Неманя Арваї, Матео Деметер и Иван Будински на дарунок од пароха о. Юлияна Рац достали Нови завит, икону и грамоту.
Парох подзековал родичом и вироучительки Меланиї Римар же пририхтала школярох за тоту барз важну подїю и гварел же най нє забуваю на свою Церкву. Першопричашнїком парох о. Юлиян Рац пожадал же би спознали Святого Духа и же би видзели же Дух шицко оживює и розум и духовносц.
