ДЮРДЬОВ – Центер тамбуровей култури зоз Нового Саду отримал свой концерт у преполней сали дюрдьовского Културно-уметнїцкого дружтва „Тарас Шевченко” вчера вечар, 28. марца.
На концерту участвовал Городски тамбурови оркестер „Васа Йованович”. Концерт майстор бул Марко Колович, а дириґент Зоран Буґарски Брица.
На концерту як госци участвовали и Йовґен Надь, Славко Нашиґачин, Страхиня Живанович, Матия Чичовец, Верица Салонски и Дзивоцка шпивацка ґрупа Културно-уметнїцкого дружтва „Тарас Шевченко”.
Публика на концерту слухала познати войводянски шпиванки, алє и нумери класичней музики. Окрем того, того вечара ше на концерту чула и руска шпиванка.
Два и пол годзини, по словох публики, швидко прешли, а учашнїки на концу каждей виведзеней композициї були наградзени зоз огромним аплаузом одушевеней публики.
