МИКЛОШЕВЦИ – У рамикох манифестациї „Миклошевци 2025”, хтора будзе на пияток 29. и на соботу 30. авґуста, будзе отримана и програма Смаки традициї, дзе будзе участвовац и НВУ Руске слово.
На пияток на Смакох традициї ше будзе рихтац и коштовац традицийни руски єдла, а з тей нагоди и представнїци НВУ Руске слово Ясмина Дюранїн и Блаженка Хома Цветкович представя и виданя Установи: Мацерову руску кухарку и сликовнїцу за дзеци Кухня.