БАЧКА ПАЛАНКА – Фодбалски клуб „Русин” зоз Руского Керестура почал пририхтованя за нову сезону 2026/27 у ПФЛ Зомбор, внєдзелю, 4. юлия, а у викенду за нами одбавел и перше пририхтуюце стретнуце у Бачкей Паланки.
После двох тижньох тренираня на Ярашу, внєдзелю 19. юлия, екипа Русина одбавела и перше пририхтуюце стретнуце у Бачкей Паланки процив екипи ОФК „Стари Ґрад”. Екипа Русина була лєпша на тим стретнуцу, мала вецей нагоди хтори нє вихасновала, та конєчни резултат бул 1:1. Ґол за керестурцох дал капитен Югик, на асистенцию Ґорана Милановича.
На перше пририхтуюце стретнуце до Бачкей Паланки пошли 15 бавяче, а тренер Милец дал нагоду шицким бавиц на тим стретнуцу.
За екипу Русина, перши єденац бавели: Александар Драґутинович, Деян Чернок, Стефан Тома, Боян Голик, Владимир Кочиш, Давид Джуня, Ґоран Миланович, Деян Югик, Ненад Вукелич, Драґан Павлович и Теодор Штранґар, а до бависка ище вошли: Марко Драґутинович, Даниел Надь, Андрей Чизмар и Алекса Сопка.
Шлїдуюце пририхтуюце стретнуце Русин будзе бавиц на соботу, 25. юлия у Миклошевцох (Р. Горватска).
