НОВИ САД – Фодбалски клуб „Русин” на крочай од пласману до висшого ранґу. Треба одбавиц два стретнуца на хторих им процивнїк будзе екипа Дюрдїну.
На вицагованю и одредзованю бараж утакмицох за пласованє до Войводянскей лиґи котре отримане у Новим Садзе 13. юния, одлучене же ФК „Русин” одбави перше стретнуце у Дюрдїну на нєдзелю, 18. юния на 17:30 годзин. Друге реванш стретнуце, будзе на штварток, 22. юния, тиж на 17:30 годзин, пред домашню публику на Ярашу у Руским Керестуре.
Обидва екипи закончели першенство у своїх лиґох на другим месце, маю приблїжне число боди и прето ше обчекує добри и борбени стретнуца, як и же ФК „Русин” будзе побиднїк на обидвох змаганьох и войдзе до Войводянскей лиґи.