РУСКИ КЕРЕСТУР – Тих дньох Добродзечне огньогасне дружтво достало огньогасну опрему на дарунок од Альоши Гайдука, родом з Руского Керестура, а хтори уж вецей роки жиє у Норвешкей.
Донацию достали у форми штирох професийних черевох високого прициску за гашенє огня, три комбиновани млазнїци за воду, медзимешалицу за правенє пени за интервенциї у хторих ше огень гаши з пену, а нє з воду, потим 40 литри концентрату за правенє пени и вентилатор за одґурйованє диму.
По словох огньогасцох, опрема им барз добре пришла понеже їх уж дотирвала, и з тей нагоди явно дзекую донаторови на помоци хтору указал.