КОЦУР – На концу змаганьох у шаховскей Бачкей лиґи – Суботица, шахисти ШК „Омладинєц” зоз Коцура у конєчним пласману на седмим месце.
Перше место завжал ШК „Вулкан – Протектор” зоз Апатину, хтори будзе бавиц у плей-офу зоз ШК „Србобран”, шампионом Бачкей лиґи – ґрупа Нови Сад, за пласман до висшого ранґу змаганя – Войводянскей лиґи. Зоз лиґи до нїзшей лиґи випаднул ШК „Гайдук” зоз Кули.
Шахисти ШК „Омладинєц” зоз Коцура у шаховскей борби указали колективни дух, вельке закладанє и борбеносц, та так витворели и солидни резултат. Треба визначиц же за орґанизацию и за запровадзованє змаганьох найзаслужнєйши Янко Бесерминї и Дюра Фейса.
Поєдинєчни резултати шахистох Омладинца шлїдуюци:
1. Карло Бала 5,5 поени (зоз 6 партийох);
2. Владимир Лазор 4,5 поени (зоз 9 партийох);
3. Ґабор Фейса 4 поени (зоз 6 партийох);
4. Тихомир Пушкаш 3,5 поени (зоз 8 партийох);
5. Ґавра Коларич 3 поени (зоз 8 партийох);
6. Любомир Турович 2,5 поени (зоз 6 партийох);
7. Янко Бесерминї 2 поени (зоз 4 партийох);
8. Никола Тадич 1 поен (зоз 2 партиї);
9. – 10. Михайло Стрибер и Силветер Надьфеї 0 поени (зоз 3 партийох).
Найуспишнєйши шахисти були Карло Бала и Ґабор Фейса.
Конєчни пласман екипох:
1.ШК „Апатин” 23 боди (32,5 поени);
2. ШК „Суботица” 19 боди (31,5 поени);
3. ШК „Раванґрадске айкуле” Зомбор 14 боди (30,5 поени);
4. ШК „Сента” 12 боди (27, 5 поени);
5. ШК „Приґревица” 11 боди (28,5 поени);
6. „БТШК” Бачка Тополя 10 боди (27 поени);
7. ШК „Омладинєц” Коцур 9 боди (25,5 поени);
8. ШК „Чаки Йожеф” Стара Моравица 9 боди (25,5 поени) ;
9. ШК „Панония” 5 боди (22,5 поени);
10. ШК „Гайдук” Кула 5 боди (19 поени).