НОВЕ ОРАХОВО – Пияте стретнуце тамбурових оркестрох „Ораховска єшень” отримане 17. октобра, а орґанизовало го КУД „Петро Кузмяк” зоз Нового Орахова.
На програми наступели члени КУД Жатва зоз Коцура, их тамбурови оркестер и дзивоцка шпивацка ґрупа, Тамбурови оркестер Медикус зоз Чантавиру, Драмско-литературне здруженє Ґраца Янош зоз женску шпивацку ґрупу зоз Нового Орахова, КУД Иван Сенюк зоз Кули, КУД Ади Ерне зоз Торньошу и домашнє КУД Петро Кузмяк.
На концерту бул предсидатель Националного совиту Руснацох Стеван Самочета.
Присутних привитала предсидателька дружтва Татяна Дудаш и подзековала длугорочному членови дружтва Ярославови Провчийови хтори жиє у Канади же подаровал два тамбури КУД Петро Кузмяк. Конферансу водзела Миряна Бицок.
