ЧЕРВИНКА – Ґлумци Театру „Стеван Сремац” Дому култури у Червинки, премиєрно виведли представу „Илузиї”, по тексту америцкого драмского писателя Тония Кушнера, у режиї Милени Павлович, а у ґлумецким составе и керестурски аматере Ребека Планчак и Мирослав Малацко.
Окрем нїх, у представи ґлумя и – Зоран Радулович, Цвиєта Йованович Мучалица, Ґордана Єлич Мештер и Милорад Бєлан, а часц ансамблу бул и Неманя Вукосав зоз Керестура, хтори пущал проєкциї.
Директор Дома култури Червинки, Милан Вуякович, визначел же ансамбл и тераз указал моцну убавеносц и сценску хемию, цо публика препознала, и же того року Театер „Стеван Сремацˮ преслави 80 роки од снованя.
Зоз Театру поручую же публика у наиходзацим периодзе будзе мац нагоди одпатриц представу „Илузиї”.
