Отримани Гуманитарни турнир за Николину Калинич

автор Л. Вереш
296 Опатрене

ДЮРДЬОВ – На стадиону Фодбалского клубу ,,Бачка 1923” у Дюрдьове прешлей соботи бул орґанизовани Гуманитарни турнир за Николину Калинич зоз Шайкашу, хтора охорела од нєалкохолней цирози печинки и цо скорей треба назберац средства за єй дальше лїченє.

На турниру участвовали аж шеснац екипи. Седем екипи зоз Дюрдьова, шейсц екипи зоз Шайкашу и по єдна екипа зоз Жаблю, Мошорину и Ковилю.

Бавело ше у штирох ґрупох, по системи 5+1, a на турниру победзела екипа ,,Фасада” зоз Дюрдьова.

Од котизацийох и гуманитарних прилогох, хтори ше могло охабиц под час тирваня турнира, назберане 145 тисячи и 500 динари хтори уплацени на Николинов рахунок при Гуманитарней фондациї „Будз гумани” Александра Шапича.

На концу турнира, каждей екипи додзелєни припознаня, як знак подзековносци за солидарносц, приятельску потримовку и драгоцину помоц на участвованю на Гуманитарним турниру за Николину Калинич.

Донациї мож уплацовац на рахунок Гуманитарней фондациї „Будз гумани” Александра Шапича, динарски рахунок: 160-6000001812450-27, девизни ЕУР: 160-6000001812483-32, IBAN: RS351606 00000181248332, SWIFT/BIC:DBDBRSBG. Средства мож донирац и зоз посиланьом СМС порученя 1617 на 3030, цена порученя 200 динари.

ПОВЯЗАНИ ТЕКСТИ