Отримани Каритасов Крачунски вашар у Коцуре

автор Ол. Русковски
329 Опатрене

КОЦУР – У церковней сали Грекокатолїцкей церкви Успения Пресвятей Богородици у Коцуре внєдзелю, 17. децембра, отримани Каритасов Крачунски вашар.

И того року шицки нащивителє могли поопатрац и купиц рижни ручни роботи и прикраски за наиходзаци крачунски и новорочни швета. Окрем тих, як и других понукнуцох котри викладаче порихтали, могло купиц и ґаґорки, як и бобальки, котри порихтали волонтере коцурского Каритасу.

На Крачунским вашаре ше и того року представели числени викладаче зоз валалу, алє присутни були и викладаче зоз Руского Керестура и Нового Саду.

Истого дня у коцурскей парохиї означени и Дзень худобних, и прейґ дзвончка шицки вирни могли даровац прилог и помогнуц худобним парохияном.

ПОВЯЗАНИ ТЕКСТИ