ЧУРОҐ – Школа фодбалу Фудбалского клубу ,,Гайдук” Чуроґ и Спортски союз Општини Жабель орґанизовали пияти Турнир за дзеци. Вон бул отримани 15. октобра на стадиону у Чуроґу. Бавело ше у двох катеґорийох, 2012. и 2013, а вкупно ше приявело седемнац екипи.
У катеґориї 2012 побиду однєсла екипа ,,One team”, друге место завжала екипа ,,ЖСК Жабель”, а треце место завжали домашнї, ФК ,,Гайдук” зоз Чуроґу.
У катеґориї 2013 перше место завжала екипа ,,Бистрица” зоз Нового Саду, друге место ФК ,,Бачка 1923” зоз Дюрдьова, а треце место завжали фодбалере ФК ,,Єдинство” зоз Ґосподїнцох.
Домашнї обезпечели пице и закуску за шицких учашнїкох, як и погари за найуспишнєйших и медалї за шицких учашнїкох.