НОВИ САД – У новосадскей Церкви св. апостолох Петра и Павла на швето Стритениє Господнє, 15. фебруара, пошвецени швички. Зоз тим шветом ше припомина евангелска подїя стретнуца Мацери Божей зоз Нєбесним Оцом, кед принєсла Исуса до храму.
Новосадски парох о. Юлиян Рац гварел же шицко цо маме то дар од Бога и кед бизме тот дар могли дзелїц и даровац другим були бизме виполнєти зоз тоту исту радосцу котру у гевтим чаше мали Пречиста Дїва Мария и святи Симеон. Парох Рац ище додал же лєм теди кед у нас нє будзе хорого еґоизму, годни зме ше злучовац зоз Сином Божим. Дай Боже най би то було голєм каждей нєдзелї, на кажде швето, а хто може и кажди дзень.
