РУСКИ КЕРЕСТУР – Зоз Добродзечного огньогасного дружтва обвисцую же кажди родитель хтори жада же би його дзецку бул до обисца однєшени пакецик за Дїда Мраза, треба же би до Огньогасного дому придал порихтани пакецик 28. або 29. децембра.
У тим термину, у пополадньових годзинох, дахто од членох Дружтва будзе дежурац кеди ше пакецик годно придац.
Кажди пакецик треба же би бул подписани, зоз назначену адресу и числом телефона, а Дїдо Мраз их будзе розвожиц 30. децембра.