СРИМСКА МИТРОВИЦА – Парох сримскомитровицки о. Иґор Вовк у юлию нащивел Каребно-поправни завод (КПЗ) у Сримскей Митровици и бешедовал зоз управнїком Александром Алимпичом у вязи зоз нащиву осудзеним грекокатолїком у тей установи.
Як гварел о. Вовк, управнїк з одушевийом прилапел предкладанє и гварел же ше наздава же то будзе одличне сотруднїцтво. У плану и же би ше служело святу литурґию у КПЗ.
З тей нагоди о. Иґор надпомнул же мушиме розумиц же Евангелия отворена ґу шицким и нїхто нє шме почувствовац же го Церква одруцела.
Христова заповид о любови и ученє о церкви як целу Христовим обовязує же би ше старало о загарештованих, а потвердзенє тей бриґи у Христових словох: „У цемнїци сом бул и пришли сце ґу мнє”.