КУЛА – У рамикох Плазма спортских бавискох младих на трим дражки Спортско рекреативного центру Вашариште у Кули пияток 28. марца отримани квалификацийни обегованя у атлетскей дисциплини на 60 метери.
На квалификацийним обегованю наступали два катеґориї: дзеци народзени 2014. и 2015. року, як и дзеци народзени 2016. и 2017. року, а участвовали вецей як 160 дзеци.
На спортских бавискох младих у Кули участвовали „Гайдук Маратон тим”, потим атлетски клуби „Червинка” и „Русин”, як и велї други дзеци зоз Кули и околїска.
Зоз АК „Русин” зоз Руского Керестура змагали ше 22 школяре, а Даниєла Рамач зоз 2. класи освоєла 2. место и стриберну медалю и пласовала ше на Реґионалне змаганє хторе будзе отримане у Сенти.
Орґанизатор квалификацийних обегованьох на 60 метери у Кули „Плазма спортски бависка младих” у сотруднїцтве зоз АК „Гайдук Маратон тим”.
