РУСКИ КЕРЕСТУР – Пионире Фодбалского клубу „Русин”, у Спортскей гали, стреду, однєсли три побиди над своїма парняками Фодбалского клубу „Панонияˮ з Лалитю, возросту од 3. по 5. класу основней школи.
Найстарши, дзеци 5. класи виборели побиду зоз резултатом 5:4, а наступели у составе – Николая Рац (2), Леонтина Еделински, Адрияна Штранґар, Стефан Ковачевич, Стефан Арва, Николина Гарди (1) и Тони Колошняї (2).
Потим наступели дзеци 4. класи, хтори тиж однєсли побиду зоз 6:0, а наступели у составе – Кристофер Дудаш (2), Давид Гарди (2), Давид Колошняї, Даниел Фейди, Стивен Банич (1), Тони Надь (1), Виктор Надь, Зара Малацко, Елена Ґолубович, Миа Сабо, Лука Бандич и Филип Дудаш, док наймладши дзеци, возросту 3. класи, однєсли и трецу побиду з резултатом 5:0.
У тей наймладшей екипи русиновци наступели у составе – Андрей Маґоч, Давид Еделински, Страхиня Кршич, Тони Сивч (3), Лука Зелич (2), Филип Бурчак, Славиша Свирчев и Алекса Медєши.
Тренер пиониром Зденко Шомодї, а стретнуца судзел дакедишнї предсидатель Фодбалского клубу „Русинˮ, Тихомир Медич.