ЧЕЛАРЕВО – Столнотениски клуб Русин внєдзелю 26. януара у Челареве одбавел 7. коло южнобачкей лиґи процив екипи СТК „Челарево 2” и зазначел побиду зоз вкупним резултатом 0:4.
За екипу СТК Русин на тим першенственим стретнуцу наступали: Михайло Сабадош, Иґор Фейди и Стефан Горняк.
У першим, тиж и напартим стретнуцу бавели ше аж пейц сети, дзе Михайло Сабадош вишол як побиднїк и славел зоз резултатом 2:3 по сетох и керестурци були у предносци од 0:1 у партийох.
У другим стретнуцу Иґор Фейди тиж зазначел побиду зоз резултатом 1:3 по сетох и екипа Русина водзела у вкупним резултату 0:2 у партийох.
У трецим стретнуцу Стефан Горняк зазначел побиду зоз резултатом 1:3 по сетох и керестурци подзвигли резултат на вельких 0:3 у партийох.
У штвартим, дубл стретнуцу у тиму бавели Михайло Сабадош и Иґор Фейди и зазначели побиду зоз резултатом 1:3 по сетох, а вкупни резултат на внєдзельовим першенственим стретнуцу глашел 0:4 у партийох за СТК „Русин”.
У шлїдуюцим 8. колу южнобачкей лиґи СТК „Русин” будзе бавиц 2. фебруара у Кули процив екипи СТСУ „Гайдук 2023” зоз Кули.