КОЦУР – Фодбалски клуб „Искра” внєдзелю, 24. марца. пред домашню публику у Коцуре одбавел штварте першенствене стретнуце ПФЛ Суботица процив екипи „Сутєски” зоз Бачкого Доброго Поля и зазначелу побиду зоз резултатом 3:0.
Искра наступела у составе – Мирослав Ступар, Марко Секулич (Дамян Михняк), Лазар Милованович, Зоран Сердар, Мариян Малацко (Ненад Надь), Драґан Комазец (Милян Дюрдєвац), Дамир Мачиженски, Борис Бодонї (Дьордє Байчич), Дамян Ґубаш, Миливой Ґаджич и Данило Янкович (Павле Човс). Ґоли за Искру дали: Данило Янкович дал два, а Миливой Ґаджич дал єден ґол.
Треба визначиц же ФК „Искра” зоз Коцура зоз тоту нову побиду, злєпшала свой потерашнї рекорд, дзе у тей сезони од дзеветнац одбавених першенствених стретнуцох, нє зазначела анї єдно пораженє и находзи ше на першим месце ПФЛ Суботица.
Идуце 5. першенствене стретнуце ПФЛ Суботица, ФК „Искра” будзе бавиц на соботу 30. марца у Равним Селу процив екипи ФК „Пролетер”. Стретнуце почина на 16 годзин.