ДЮРДЬОВ – Перши турнир у тим року у орґанизациї 32. Спортских бавискох „Яша Баков” отримани 26. марца у Дюрдьове кед ше бавело кошарку „3 на 3”. Змаганє отримане у Основней школи „Йован Йованович Змай”, а суорґанизатор було дюрдьовске КУД „Тарас Шевченко”.
Учасц вжали пейц екипи: „Папивинґ” д.о.о Вербас, „Руски Културни Центер” Нови Сад, КУД „Тарас Шевченко” I и КУД „Тарас Шевченко” II зоз Дюрдьова и СД „Русин” Руски Керестур.
Перше место у екипним змаганю завжала екипа КУД „Тарас Шевченко” I Дюрдьов.
По законченю екипного змаганя отримане и поєдинєчне змаганє у руцаню „тройкох”. Участвовали седемнац змагателє, а найлєпши бул Йован Павлович.
