ЖАБЕЛЬ – Општина Жабель и Туристична орґанизация општини Жабель орґанизую рижни змисти за дзеци у центре Жаблю у часци парку при пияцу.
На пондзелок, 22. децембра на 12 годзин будзе ше дзелїц пакецики дзецом.
На вовторок 23. децембра на 17 годзин будзе святочне отверанє шлїзкалїща „Лядова сказка”. Источашнє будзе орґанизоване и пол годзинове друженє зоз маскотами, а на 17:30 годзин будзе приказана Новорочна представа „Ирвас зоз Африки”. Од 18 по 19 годзин будзе креативна роботня „Новорочни прикраски”, а на 19 годзин плановане пол годзинове друженє з маскотами. Остатнї змист того вечара будзе рисованє по тварох.
Наявене же шлїзкалїще у Жаблю будзе отворене по штредок януара.
Тиж на пондзелок 22. децембра од 12 годзин дарунки буду дзелїц вожаче и активисти зоз Гуманитарного здруженя „Пайташ зоз драги”.