Попуст 30% – з дзепоєдних дзецинских кнїжкох остало лєм по даскельо прикладнїки

автор Б. Варґа
188 Опатрене

НОВИ САД – Под час традицийного жимского попусту 30% на кнїжки НВУ „Руске слово”, розпредаю ше дзепоєни цали тиражи руских кнїжкох, окреме литератури за дзеци, котри ше купує за пакецики.

Тей сезони попусту, цалком при концу тиражи и остало лєм по даскельо прикладнїки кнїжкох за дзеци „За главки у лавки” Ирини Гарди Ковачевич, „Гайзибан на шпарґу” и „Чилаш, а без принца” Меланиї Римар, як и кнїжки „Злагода” Серафини Макаї.

Остатнїх рокох так розпредани шейсц цали тиражи кнїжкох за дзеци, медзи котрима барз популарни и за даскльо мешаци розпредани сликовнїци „Фарби”, „Родзини”, „Карусел” и „Кухня”.

Попусту 30% на кнїжки НВУ „Руске слово” за Миколая, Крачун и новорочни швета тирва по 6. януар 2024. року.

Електронски каталоґ вецей як 160 насловох кнїжкох можеце превжац на тим линку (у ПДФ формату).

Старши кнїжки на попусту коштаю 210 динари, новши 350 дин, док дзепоєдни наслови и найновши сликовнїци за дзеци коштаю 490 дин. Найдрагша кнїжка на попусту – руска кухарка преклад по сербски кошта 1.500 дин.

У СЕРБИЇ: Кнїжки до шветочних пакецикох мож купиц прейґ колпортерох по наших местох, у представительствох НВУ „Руске слово” (у Новим Садзе на новей адреси Футожска 2, ІІІ поверх (од 9 по 14 годзин) телефон 021/6613-697; у Руским Керестуре у будинку дакедишнєй Друкарнї на 2. поверху и на телефон 025/5100313 або 025/703-311 (од 9 по 14 годзин).

ЗА ИНОЖЕМСТВО: Особи котри нє жию у Републики Сербиї, кнїжки НВУ „Руске слово” найєдноставнєйше можу купиц прейґ фирми BOOK TRADE L.T.D EXPORT-IMPORT. Треба директно контактовац Ану Чарапич, котра заинтересованим у зависносци од держави дзе жию, пошлє девизни рахунок на котри ше уплаци за кнїжку и поштански трошки. Емаил за поручованє и шицки питаня: anabooktrade@gmail.com На тим линку контакти и вецей информациї о фирми BookTrade.

Кнїжки найлєгчейше наручиц прейґ сайту https://knjizkiporuski.com/

ВИГОДНОСЦИ: За купени на знїженю 10 кнїжки одразу, дарує ше предплату на єдно виданє електронских новинох або часописох, у ПДФ формату, до конца 2024. року: тижньово електронски новини „е-Рускe словo”, електронски формат часописа за науку, литературу, културу и уметносц „Шветлосц”, електорнски формат часописа за дзеци „Заградка”, або електронски формат часописа за младих МАК. За тих цо купя 20 кнїжки на знїженю, дарує ше єдну друковану предплату новинох або часописох до конца 2024. року: друковани тижньово новини „Рускe словo”, друковани часопис за науку, литературу, културу и уметносц „Шветлосц”, друковани часопис за дзеци „Заградка”, або друковани часопис за младих МАК. Тоти вигодносци важа и за онлайн наручованє и купованє кнїжкох.

ПОВЯЗАНИ ТЕКСТИ