ЯБУКА – Женски рукометни клуб „Русин” внєдзелю, 22. септембра у Ябуки одбавел перше першенствене стретнуце Другей лиґи Войводини процив екипи Женске рукометне здруженє „Ябука 95” и на отвераню першенства керестурски рукометашки зазначели пораженє зоз резултатом 31:18 (16:6).
За ЖРК „Русин” наступели – Лена Малацко, Аня Симич, Теодора Русковски, Андрияна Штранґар, Марияна Сивч, Кяра Будински, Сабина Планчак и Александра Штранґар.
При керестурских рукометашкох найвецей ше визначели Александра Штранґар зоз посцигнутима осем ґолами и Сабина Планчак хтора дала пейц ґоли.
У идуцим 2. колу першенства Другей лиґи Войводини ЖРК „Русин” будзе бавиц у Руским Керестуре у спортскей гали процив екипи ЖРК „Халас Йожеф 2” зоз Ади.