МОКРИН – Женски рукометни клуб „Русин” всоботу, 9. новембра у Мокрину одбавел шесте першенствене стретнуце Другей лиґи Войводини процив екипи ЖРК Мокрин и зазначели пораженє зоз резултатом 39:25 (17:11).
За ЖРК „Русин” наступели – Лена Малацко, Рамач Милена, Валентина Гарди, Аня Симич, Марияна Сивч, Николина Гарди, Кяра Будински, Сабина Планчак, Александра Штранґар, Венґрин Ема и Изабела Макаї.
При керестурских рукометашкох найвецей ше визначели капитен Александра Штранґар зоз посцигнутима дзевец ґолами, потим Аня Симич хтора дала шейсц ґоли и Сабина Планчак хтора дала пейц ґоли.
У идуцим 8. колу першенства Другей лиґи Войводини ЖРК Русин будзе бавиц на пияток 15. новембра у Руским Керестуре процив екипи ЖРК Ядран зоз Фекетичу, а тиж одбавя ище єдно стретнуце на нєдзелю 17. новембра у Русиким Керестуре процив екипи ЖРК Оджак зоз Оджаку.