КУЛА – Вирни у кулскей парохиї Святого Йосафата зоз Службу Божу означели найрадоснєйше швето Рождества Христового. Службу служел о. Платон Салак, ЧСВВ, а после Служби Божей и помировал вирних.
По законченей Служби Божей у храме отримани Крачунски концерт. Того року, обидва културни дружтва вирних кулскей парохиї порихтали заєднїцки концерт.
Члени РКУД „Гавриїл Костельник” и КУД „Иван Сенюк” вєдно зоз школярами котри уча українски язик и ходза до музичней школи пририхтали заєднїцку програму.
На концу програми хори обидвох дружтвох вєдно одшпивали коляду „В Вифлеєми новина” кед ше им придружели и вирни у церкви и тот святочни дзень у храму ше закончел на окремни способ.
