ВЕРБАС – У грекокатолїцкей церкви святого Владимира у Новим Вербаше, як и у Грекокатолїцкей церкви Покрова Пресвятей Богородици у Старим Вербаше закончене пошвецанє обисцох вирних.
На швето Богоявлениє по юлиянским календаре у нововербаскей Парохиї святого Владимира пошвецена вода, а потим парох нововербаски о. Данил Задрепко почал обиходзиц и благословиц обисца по одредзеним розпорядку.
По словох о. Задрепка, того року у нововербаскей парохиї пошвецени 149 обисца грекокатолїцких вирних. Окрем же ше благослови дом, то и нагода же би ше парохиянє стретли з парохом и побешедовали.
И у старовербаскей грекокатолїцкей парохиї ше у другей половки януара окончовало пошвецанє обисцох. У Грекокатолїцкей церкви Покрова Пресвятей Богородици на швето Богоявлениє парох старовербаски о. Алексий Гудак пошвецел воду, з котру познєйше преношел Божи мир и благослов до домох вирних.
По словох о. Гудака, того року обишол и пошвецел вецей як 200 обисца грекокатолїцких вирних.