КОЦУР – Потримовку студентом у блокади дали числени жителє Коцура всоботу, 15. фебруара.
На 15 годзин ґрупа валалчанох ше зишла на площи у центру Коцура опрез Основней школи „Братство єдинство” и дали 15-минутову чесц настрадалим у нєщесцу на Желєзнїцкей станїци у Новим Садзе. И тот протест бул провадзени з численима транспарентами. Анї диждж нє зопар числених Коцурцох же би студентох у блокади и далєй потримовали.
После мирного даваня чесци настрадалим и цихосци, у просторийох Основней школи було орґанизоване добродзечне даванє креви.
