КРУЩИЧ – Предсидатель Сербиї, Александар Вучич, нащивел нєшка Крущич дзе бешедовал зоз жителями того валалу, а пред тим обишол и роботи на драги медзи Кулу и Липаром.
Предсидателя у Крущичу дочекали його симпатизере и активисти, за чий приход пририхтали штанди, а на сход ше орґанизовано ишло и зоз Руского Керестура.
На сходу, у директним контакту зоз жителями, Вучич бешедовал о локалних проблемох и наиходзацих проєктох, а з нагоди локалних виберанкох, хтори буду 29. марца.
Пред тим як пришол до Крущичу, Вучич обишол и роботи на драги Кула – Липар, дзе бешедовал о важносци инфраструктурних укладаньох за розвой тей општини.
Сход у Крущичу прешол мирно, без инцидентох, а драга медзи Керестуром и Крущичом за тот час була заварта.
