РУСКИ КЕРЕСТУР – У 4. колу Трецей рукометней лиґи Войводини – ґрупи А, внєдзелю, 15. октобра, русиновци у Спортскей гали дочекали госцох зоз Бездану хторих победзели з резултатом 44:20 (24:17).
Було то стретнуце з надосц контранападами, з добру охрану, а нє виоставали анї убавени додаваня.
Ґол розлика у першим полчасу була плус седем за домашнїх, а иста розлика посцигнута и у другей часци стретнуца.
Найрозположенши ґолґетер внєдзелю бул Вукан Вуйович хтори дал 10 ґоли, Филип Тома дал 8, капитен Славко Гербут 7, Михайло Мудри и Борис Югик по 6 ґоли, Мирослав Виславски 3, Виктор Микита и Филип Ноґо по 2, а бавели и Стефан Дюрко и ґолман Стефан Маркович.
Уж на нєдзелю 22. октобра, Русинову екипу чека госцованє у Бачким Ґрачцу процив екипи Борца. Будзе то сушедни дерби двох под’єднаких екипох хтори потераз освоєли лєм по два боди.
