ШИД – Помоцнїк предсидателя општини Шид за социялну политику Небойша Илич з представнїками гуманитарней орґанизациї „АСБ“ нащивели хасновательох же би им придали опрему за початок власней роботи, а слово о фризерскей опреми.
У децембру прешлого року подписани контракт о донованю опреми за шейсц хасновательох и єдну ромску орґанизацию з подруча општини у рамикох проєкту хтори запровадзую нємецка гуманитарна орґанизация „АСБ“ з потримовку нємецкого Министерства вонкашнїх дїлох и локалних самоуправох у Сербиї.