РУСКИ КЕРЕСТУР – Вєдно зоз Кофуцийовим институтом Универзитета у Новим Садзе и його представнїками директорку Чен Сию, лектором Ван Жишнґ и другима, представнїки Основней и штреднєй школи зоз домом школярох „Петро Кузмякˮ директорку Наталию Будински, професорку котра у ґимназиї преподава китайски язик Маю Брекайло, професорами и школярами означели початок Нового китайского року – року древеного гада.
Керестурски школяре основней школи зоз школярами котри уча китайски язик пририхтали госцом пригодну програму, а госци зоз Китаю домашнїм отримали роботнї на котрих школяре дознали интересантни новосци о їх богатей култури, историї и традициї: традицию пририхтованя и випиваня чаю, правеня прикраскох за китайски нови рок, традицийни китайски бависка, а шицки достали и традиицйни дарунок за Нови рок – у червеней коверти запаковану китайску банкноту як жаданє за шещлїви, успишни и благодарни Нови рок.
