ШИД – Скупштина општини (СО) Шид на вчерайшей схадзки прилапела звити о ступню усаклaдзеносци планованих и витворених активносцох явних подприємствох Заводу за урбанизем, ЯКП „Стандард“, „Водовод“ и Явного ошвиценя, услуги и отримованє за 2023. рок.
Значна одлука була и прилапйованє звитох о роботи шицких 19 Месних заєднїцох на подручу општини Шид за прешли рок.
СО принєсла и одлуку зоз хтору утвердзене число членох Совитох у месних заєднїцох и их число зменшане у одношеню на потерашнї стан та так у Бикичу, Беркасове и Бачинцох убудуце совити буду мац три члени, а у векших Месних заєднїцох пейц.
Одборнїки принєсли и вецей одлуки з обласци квартельно-маєтних и урбанистичних питаньох зоз своєй компетентносци як и одлуку о анґажованю екстерного ревизора за ревизию закончуюцого рахунка општинского буджета.
