НОВИ САД – Фондация Сидро и Смарт колектив розписали поволанку за проєкти у Войводини хтори стимулую отримуюцу польопривреду, иновациї у дїлованю, инклузию чувствительних ґрупох и ревитализацию руралних подручох.
На поволанку, хтора отворена по 17. фебруар, ше можу приявиц польопривредни ґаздовства, валалски туристични ґаздовства, микро, мали и штреднї подприємства, поднїмателє и здруженя гражданох, як и поєдинци до 40 рокох старосци.
Здруженя гражданох можу конкуровац за средства у суми по 15.000 евра, а другим учашнїком доступни средства у вредносци по 10.000 евра, як и фахова потримовка у вредносци по 5.000 евра. Право участвовац маю правни и физични особи зоз шедзиском або пребуваньом на териториї Войводини.
Приявиц ше мож так же ше пополнї формулар на веб-сайту „Смарт колектива” на тим линку, а ту ше находза и шицки информациї о критериюмох и условийох участвованя на конкурсу.
Процес селекциї проєктох, чию ше реализацию очекує од початку априла, базує ше на критериюмох дефинованих з конкурсом, хтори уключую релевантносц, доприношенє локалней заєднїци, социо-економски уплїв, иновативносц, отримуюцосц и витворени партнерства. Вецей информациї о Фондациї Сидро мож дознац на їх сайту на тим линку.