ШИД – У рамикох Културней манифестациї „Костельникова єшень“ на пияток у Руским доме з початком на 17 годзин буду представени виданя Видавательней дїялносци НВУ „Руске слово“ з акцентом на Срим.
Будзе представена кнїжка „Як гуторя дїдове – швет бул давно иншаки“ автора о. Владимира Еделински Миколки, хтору видали у сотруднїцтве НВУ „Руске слово“ и Завод за културу войводянских Руснацох.
Тиж будзе представена и кнїжка Мирослава М. Цирби о орґанизованих културних активносцох Руснацох у Шидзе од 1920. по 1945. рок, а Блажена Хома Цветкович представи сербске виданє рускей кухарки “Rusinski Tradicionalni kuvar po receptima moje majke”.
На промоциї буду участвовац и Ирина Гарди Ковачевич, Татяна Буґарски и Наташа Еделински Миколка, а модератор будзе предсидатель Орґанизацийного одбору „Костельниковей єшенї“ Микола Шанта.