КОЦУР – Потримовку студентом у блокади дали числени жителє Коцура и того пиятку, 7. марца.
На 11:52 годзин ґрупа валалчанох ше зишла на площи у центру Коцура опрез Основней школи „Братство єдинство” и дали петнацминутову чесц настрадалим у нєщесцу на Желєзнїцкей станїци у Новим Садзе.
У цихосци у тим периоду бул застановени и транспорт на главней крижней драги у напрямох зоз Вербасу и Савиного Села.
Як и предходни, и тот протест бул провадзени з численима транспарентами з написами.
Даванє почесци и протест прешли мирно.