РУСКИ КЕРЕСТУР – Основна и штредня школа зоз домом школярох „Петро Кузмяк” як и шицки школи у Сербиї, на пондзелок 1. септембра почина нови школски 2025/26 рок.
Приєм за школярох першей класи штреднєй школи, т.є. ґимназиялцох и напряму туристични технїчар будзе у школским голу на 8 годзин, а вони и други штредньошколци буду ходзиц до предполадньовей змени.
Приєм за першокласнїкох основней школи будзе тиж у голу на 13:30 годзин. Вони у септембру и октобру вєдно зоз школярами другей класи буду ходзиц до пополадньовей змени.
Шицки други класи школярох основней школи тиж у септембру ходза до школи пред поладньом.